فری لانسرز کیرئیر کے آغاز میں اکثر پرجوش مگر غیر یقینی دونوں صورت حال کا سامنا کرتے ہیں۔ اپنی شرائط پر اورآزادی کے ساتھ کام کرنا بلاشبہ دلکش ہوتا ہے۔ تاہم فری لانسنگ کی دنیا میں داخل ہونے اور کامیابی حاصل کرنے کے لیے کسی شعبے کی مہارت اورایک لیپ ٹاپ سے زیادہ کی بھی ضرورت ہوتی ہے۔ چیلنجوں سے نمٹنے اور انعامات سے لطف اندوز ہونے کے لیے نئے فری لانسرز کو اچھی طرح سے تیار ہونا چاہیے۔
یہ بھی پڑھیں: فری لانسنگ کیا ہے اور کیسے کی جاتی ہے؟
یہ آرٹیکل ایک جامع چیک لسٹ فراہم کرتا ہے جس پر ہر نئے فری لانسر کو اس شعبے میں قدم رکھنے سے پہلے اور بعد میں غور کرنا چاہیے۔
١. فری لانسنگ میں جانے سے پہلے اپنی مہارت کا اچھی طرح سے جائزہ لیں۔ اس بات کو یقینی بنائیں کہ آپ اپنے کام کو انجام دینے کے لیے درکار ٹیکنیکل اور سوفٹ سکلز دونوں رکھتے ہیں۔ جیسے کہ سافٹ ویئر ڈویلپر کے لیے پروگرامنگ ایک ٹیکنیکل سکل ہے جبکہ اچھی کمیونیکشن ہونا ایک سوفٹ سکل ہے. فری لانسنگ میں کامیابی کے لیے دونوں سکلز کا ہونا انتہائی ضروری ہیں.
٢. اپنی سکل کی تصدیق کے لیے اس شعبے کے کسی تجربہ کار ماہر سے ضرور فیڈ بیک لیں. اس کے ساتھ ساتھ کسی انسٹیٹیوٹ یا آن لائن کورس سے تصدیقی سرٹیفکیٹ بھی حاصل کریں. ایسا کرنا ، اچھی ساکھ بنانے اور کلائنٹس کا اعتماد جیتنے کے لیے لازمی ہے.
٣. ہر فن مولا بننے کے بجائے ایک ایسے مخصوص کام پر توجہ مرکوز کریں جس کے بارے میں آپ پرجوش ہیں اور جس کی مارکیٹ میں زیادہ ضرورت بھی ہے۔ ایک خاص مہارت آپ کو ممکنہ کلائنٹس کے لیے زیادہ پرکشش بنا سکتی ہے. فری لانسنگ کی دنیا میں کلائنٹس زیادہ تر مخصوص ماہرین کی تلاش میں ہی رہتے ہیں کیوں کہ عمومی نوعیت کا کام وہ خود یا ان کے ارد گرد موجود افراد بھی سر انجام دے سکتے ہیں.
یہ بھی پڑھیں: فری لانسنگ کی 8 بنیادی معلومات
٤. فری لانس کیریئر شروع کرنے کے لیے آپ کو ذاتی اور پیشہ ورانہ دونوں امور کے لیے بجٹ کی ضرورت ہوتی ہے۔ ایک ایسا بجٹ بنائیں جو آپ کے ذاتی اخراجات اور فری لانسنگ سے وابستہ اوور ہیڈ اخراجات کا احاطہ کرے۔
٥. بجٹ میں ایمرجنسی فنڈ ضرور رکھیں جو کم از کم 3-6 ماہ کے اخراجات کو پورا کر سکے۔ فری لانسنگ سے حاصل ہونے والی آمدنی غیر یقینی ہوسکتی ہے خاص طور پر ابتدا میں۔
٦. اپنے کام کا فی گھنٹہ ریٹ طے کریں اور اس حساب سے فی پروجیکٹ قیمت کا بھی فیصلہ کریں. ورک آور ریٹ مارکیٹ کے مطابق لیکن منصفانہ ہونا چاہیے۔ مناسب ریٹ طے کرتے وقت اپنا سکل لیول، مارکیٹ کی طلب، اور ذاتی/فیملی کے اخراجات جیسے عوامل پر غور کریں۔
٧. فری لانسنگ ایک کاروبار ہے. فیصلہ کریں کہ آپ واحد ملکیت کاروبار کرنا چاہتے ہیں یا دوسرے فری لانسرز کے ساتھ شراکت داری قائم کرنا چاہتے ہیں. یاد رہے شرکت داری آپ کی کامیابی کے امکانات کو بہت بڑھا سکتی ہے. پارٹنرشپ کی صورت میں تحریری معاہدہ لازمی کریں.
یہ بھی پڑھیں: فری لانسنگ پلیٹ فارم فائیور کا تعارف
٨. اگر آپ کسی فری لانس پلیٹ فارم جیسے کہ اپ ورک یا فائیور وغیرہ کے بغیر ڈائریکٹ کلائنٹس کے ساتھ کام کرتے ہیں تو معاہدوں کے ذریعے کلائنٹ کے تعلقات کو باقاعدہ بنائیں۔ یقینی بنائیں کہ آپ کلائنٹ کے ساتھ شرائط و ضوابط، ڈیڈ لائنز اور ادائیگی کے شیڈول پہ متفق ہیں۔
٩. ٹیکس رجسٹریشن لازمی کروایں اور ٹیکس کے مقاصد کے لیے تمام لین دین کا ریکارڈ رکھیں۔
١٠. اپنے گھر میں یا مشترکہ کام کرنے کی جگہ پر کام کا ایک سازگار ماحول ترتیب دیں، جہاں آپ بغیر کسی خلفشار کے کاموں پر توجہ مرکوز کر سکیں۔
١١. ضروری ہارڈ ویئر خریدیں اور سافٹ ویئر سروسز کو سبسکرائب کریں جو آپ کے کام کو موثر اور جلد مکمل کرنے میں معاونت کا باعث بنیں گے۔
١٢. ایک سادہ مگر اچھی ڈیزائن کردہ ویب سائٹ اور اپ ڈیٹ شدہ LinkedIn پروفائل کے ذریعے ایک مضبوط پرسنل بزنس برانڈ بنائیں۔ اپنا پورٹ فولیو دکھائیں، اپنی مہارتوں کی فہرست بنائیں، اپنے کام کی تشہیر کریں اور پورٹ فولیو میں کلائنٹ کا اچھا فیڈبیک شامل کریں۔
١٣. آن لائن اور آف لائن، اپنی انڈسٹری سے متعلقہ گروپس میں شامل ہوں۔ ورڈ آف ماؤتھ ریفرلز اور انڈسٹری کے رجحانات کے ساتھ اپ ڈیٹ رہنے کے لیے نیٹ ورکنگ بہت ضروری ہے۔
١٤. سوشل میڈیا پلیٹ فارمز، ای میل مارکیٹنگ، اور SEO کا استعمال کریں تاکہ آپ کی خدمات کو زیادہ سے زیادہ سامعین تک رسائی مل سکے۔
١٥. اپنے کام کے دن کو بہتر بنانے اور منظم رہنے کے لیے ٹائم مینجمنٹ کے بارے میں پڑھیں اور وقت کے بہتر استعمال کی تکنیک جیسے Pomodoro Technique یا Eisenhower Matrix پر عمل کریں۔
١٦. طویل مدتی کامیابی کے لیے کلائنٹ کی توقعات اور رابطوں کا انتظام بہت ضروری ہے۔ ہر چیز کو منظم رکھنے کے لیے پروجیکٹ مینجمنٹ ٹولز کا استعمال کریں۔
١٧. فری لانس مارکیٹ بہت متحرک ہے۔ انڈسٹری کے رجحانات پر نظر رکھیں اور نئی مہارتیں حاصل کرنے یا اپنے موجودہ سکل کو بہتر کرنے کے لیے کورسز لینے پر وقت اور پیسے کی سرمایا کاری کریں۔
١٩. پروجیکٹ مکمل کرنے کے بعد، یہ سمجھنے کے لیے کلائنٹس سے فیڈ بیک طلب کریں کہ آپ کہاں بہتری لا سکتے ہیں۔ اور کلائنٹ کے فیڈبیک کے مطابق اپنی سروس کے معیار کو قائم رکھنے یا بہتر کرنے کے لیے اقدامات کریں.
خلاصہ
عام تاثر کے برعکس فری لانس کیریئر شروع کرنا ہلکے انداز میں لینے کا فیصلہ نہیں ہے۔ اس کے لیے باریک بینی سے منصوبہ بندی، ایک مضبوط مگر ان ڈیمانڈ سکل، مالی استحکام، اور مسلسل سیکھنے کا نظریہ ہونا ضروری ہے۔
یہ چیک لسٹ نئے فری لانسرز کو نتیجہ خیز اور اطمینان بخش فری لانس سفر کے لیے درکار ضروری چیزوں سے آگاہی فراہم کرتی ہے۔ ان اقدامات پر عمل کر کے آپ ایک کامیاب فری لانسنگ کیرئیر کا حصول کر سکتے ہیں جو آپ کے لیے ذاتی اور مالی دونوں طرح کے انعامات لاۓ گا۔
