انٹرپرینیورشپ میں کون بہتر - جنرلسٹ یا ایکسپرٹس

دو طرح کے کاروباری افراد ہوتے ہیں. ایک جنرلسٹ ہوتے ہیں جبکہ دوسرے ماہرین۔ افراد کا بیشتر حصہ ماہرین پر مشتمل ہوتا ہے۔ مگرماہرین صرف تصویر کے ایک رخ پر توجہ دیتے ہیں اور اس کی وجہ سے وہ اکثرغریب کاروباری بنتے ہیں۔

پروڈکٹ ڈیزائن میں ڈگری کے ساتھ فارغ التحصیل طلباء مصنوعات کی تیاری کے متعلق نوکریاں تلاش کرتے ہیں۔ جو طلباء لاء اسکول سے فارغ التحصیل ہوتے ہیں وہ قانونی سطح پر کردار ادا کرتے ہیں۔ وہ لوگ جو انجینئرنگ یا کمپیوٹر سائنس میں ڈگری رکھتے ہیں نظام سازی کی سطح پر ملازمتوں پر توجہ دیتے ہیں۔ مارکیٹنگ میں ڈگریاں حاصل کرنے والے طلباء مواصلاتی سیکشن میں نوکریوں پر توجہ دیتے ہیں۔ اور جو طلباء اکاؤنٹنگ میں ڈگری حاصل کرتے ہیں وہ عام طور پرمالی معاملات کی سطح پر نوکری تلاش کرتے ہیں۔

دوسری طرف کامیاب کاروباری حضرات اکثر اوقات جنرلسٹ ہوتے ہیں۔ اسٹیو جابز اور بل گیٹس جیسے کاروباری افراد کے اسکول چھوڑنے کی ایک وجہ یہ ہے کہ وہ ماہر نہیں بننا چاہتے تھے۔ بلکہ وہ جنرلسٹ بنے اورانہوں نے ماہرین کی خدمات حاصل کیں۔

آرٹیکل: اعلی تعلیم یا پیشہ ورانہ تربیت – کونسا انتخاب بہترہے؟

عمومی یا جنرلسٹ کاروباری افراد کی توجہ مشن پر مبنی ہوتی ہے. ان میں مضبوط قیادت کی مہارت ہوتی ہے اور وہ اپنے آپ کو ایک سمارٹ ٹیم کے ساتھ گھیرنا جانتے ہیں. ایسے طلباء جو حقیقی دنیا میں تجربہ رکھتے ہیں جنرلسٹ بن سکتے ہیں.

زیادہ تر کاروباری افراد ناکام کیوں ہوتے ہیں؟

تین بنیادی وجوہات ہیں جن کی وجہ سے زیادہ تر کاروباری افراد اکثرناکام ہو جاتے ہیں۔

١. کاروباری شخص کے پاس تمام خوبیاں موجود نہیں ہوتیں۔ مثال کے طور پر زیادہ تر نئے کاروباری افراد مصنوعات پر توجہ دیتے ہیں۔ ان کے پاس ایک عمدہ پروڈکٹ ہوسکتی ہے ، لیکن ممکنہ طور پر کچھ یا دیگر شعبوں جیسے کہ مالی امور کی سوجھ کم ہو سکتی ہے.

٢. اکثر افراد اپنے شعبے کے ماہرین کے ساتھ مل کے بزنس کرتے ہیں. یہ افراد مونو پروفیشنل ہوتے ہیں.۔ یہ کہاوت کہ “ایک پنکھ کے پرندے ایک ساتھ آتے ہیں” یہاں لاگو ہوتی ہے۔ مثال کے طور پر وکیل دوسرے وکیلوں کے ساتھ مل کر ایک کاروبار بناتے ہیں جیسے کہ قانون کی پریکٹس۔ وہ بہت ہوشیار پیشہ ور ہوسکتے ہیں لیکن کاروبار کی کامیابی کے لئے دیگر شعبوں میں ان کی پیشہ ورانہ طاقت کی کمی ہوگی۔

٣. کاروباری فرد مشن کے احساس سے محروم ہوتا ہے۔ جذباتی ذہانت اور مشن کا احساس ایک کاروباری شخص کو کاروبار شروع کرنے کے اتار چڑھاو میں لے جانے کے لیے ضروری ہے۔

آرٹیکل: کاروبار کا مقصد کیا ہے اور کاروبار کیوں ناکام ہوتے ہیں؟

سخاوت کامیابی کی کنجی ہے

بہت سے کامیاب کاروباری حضرات سخی ہوتے ہیں۔ مثال کہ طور پروہ ملازمتیں فراہم کرنے میں کنجوسی نہیں کرتے۔ زیادہ تر طلباء ملازمتوں کی تلاش میں تعلیمی اداروں سے باہر آتے ہیں۔ انہیں نوکری کی ضرورت ہوتی ہے کیونکہ تعلیمی ادارے طلباء کو نہیں سکھاتے کہ کس طرح زندگی کی بنیادی ضروریات کو پورا کرنا ہے. انھیں کام سیکھنے اور مالی تحفظ کی ضرورت ہوتی ہے۔ یہی وجہ ہے کہ زیادہ تر “A گریڈ” طلباء “C گریڈ” طلباء کے لیے کام کرنے پر مجبور ہوتے ہیں۔ سخی کاروباری افراد طلبا کی اس ضرورت کو سمجھتے ہیں. وہ انھیں ملازمت دینے اور کام سکھانے کو بوجھ نہیں سمجھتے. اس کہ نتیجے میں وہ اپنے لئے مستقبل کی افرادی قوت پیدا کرتے ہیں جو ان کے ساتھ بہت حد تک مخلص بھی ہوتی ہے.

اگر آپ ایک کاروباری بننا چاہتے ہیں تو آپ کو ایک جنرلسٹ بننا ہوگا جو ماہرین کی خدمات حاصل کرتا ہے۔ آپ کو کاروبار کے تمام شعبوں کو سمجھنا ہو گا. آپ اس بارے میں سیکھنا شروع کریں اور ہرایک میں مہارت رکھنے والوں کے ساتھ تعلقات استوار کریں۔ سب سے زیادہ اپنے مشن کی تعمیر اور ایسے ماہرین کی تلاش پر توجہ دیں جو اس مشن سے متاثر ہیں۔ ایک کاروباری ہونا سب سے بڑھ کر سخی ہونا ہے۔ اگر آپ ایک عظیم کمپنی بناتے ہیں تو آپ باصلاحیت لوگوں کے لیے زبردست ملازمتیں پیدا کرتے ہیں اور آپ اپنے گاہکوں کے بہت سے مسائل حل کرتے ہیں.